Құрметті Жаңақала ауданы әкімдігінің ресми сайтына келушілер!


Сіздерді Жаңақала ауданы тұрғындары және өз атымнан Жаңақала ауданы жергілікті мемлекеттік басқаруының ресми WEB сайтында құттықтаймын.

Жаңақала ауданы-тек қана Батыс Қазақстан облысына емес, республикаға танымал үлкен мал шаруашылығымен айналысатын аудан. Ауданда асылтұқымды Еділбай қойлары, асыл тұқымды Көшім жылқылары, сонымен қатар ірі қара малдар мен түйелер өсіріледі.

Жаңақала ауданы - бұл Ұлы Отан соғысының батырлары және еңбек ардагерлері, ұлы күйші, сазгер, домбырашы, мәдениет және қоғам қайраткерлері мен ғалымдардың Отаны.

Атап айтқанда, күй атасы Қ.Сағырбаев, күй анасы Д.Нұрпейісова, ұлы күйші - сазгерлер Қ.Жантілеуов, Мәмен, О.Қабиғожин, Ш.Қажғалиев, қазақ халқының еркіндігі үшін күресушілері М.Өтемісов, И.Таймановтардың Отаны.

Өзіне меншікті WEB сайт құру «Электрондық үкіметті» іске асырудың бірінші қадамы болып табылып, мемлекеттік органдардың жұмысын тиімділігін арттыруға септігін тигізеді.

Қазақстан Республикасы Президенті Н.Ә.Назарбаев жыл сайынғы Қазақстан халқына «Жаңа әлемдегі жаңа Қазақстан» атты Жолдауында: «"Электрондық үкімет" жасақтау жөніндегі жұмыстың нәтижелеріне мұқият талдау жүргізу керек. Осыны ескере отырып, әрі әлемнің жетекші елдерінің тәжірибесіне сүйеніп, осы заманғы ақпараттық технологияларды енгізуді жалғастыра беру қажет болады»,-деп атап көрсетті.

Менің ойымша Интернетте әкімдіктің ресми сайтының ашылуы мемлекеттік басқару органдарының тұрғындарымен қарым-қатынасын, жедел түрде мәлімет алмасуларына, әрбір сайтқа келушілерге аудан тарихы, оның әлеуметтік-экономикалық дамуы жөнінде ақпарат алуға, өзін қызықтыратын сұрақтарына жауап алып, алынған шешімдерге ұсыныстарын енгізуге жағдай жасалып отыр.

Әкімдіктің ресми сайты көпшілік тұрғындардың ой-пікірлерін қатерге алып, ауданның алға басуына қызмет ететініне сенімдімін.

Біз Батыс Қазақстан облысының және тәуелсіз Қазақстанның өркендеуі үшін өзара тиімді қарым-қатынас жасауға әзірміз.

 

Біздің сайтқа қош келдіңіздер!

 

Құрметпен, 

Жаңақала ауданы әкімі

Хайретдинов Лавр Рашидұлы


Жаңақала ауданының әкімі Хайретдинов Лавр Рашидұлының «Ауданның 2016 жылғы экономикалық-әлеуметтік даму барысы және алда тұрған міндеттер туралы» есебінің мәтіні

Аудан әкімі Л.Р.Хайретдиновтың аудандық мәслихат депутаттары алдындағы есебі


 Жаңалықтар


Парламент сенаты депутаттығына үміткермен кездесу

13.06.2017

ҚР Парламенті Сенаты депутаттығына кандидат Нариман Төреғалиев Жаңақала аудандық мәслихаты депутаттары мен қоғамдық ұйым өкілдері, ардагерлермен кездесті. Басқосуда үміткердің сенімді өкілі Нұрлан Мақатов Н.Төреғалиевтің өмірбаянын әңгімелеп, жан-жақты таныстырып берді.

Толығырақ...


Шаруалардың басын қосқан семинар

06.06.2017

Ауданымыздағы герефорд және ангус асыл тұқымды ірі қара малын өсірумен айналысатын «Муса» шаруа қожалығының базасында «Ветеринария қауіпсіздігі» тақырыбында облыстық семинар өтті. Қазақстан Республикасы «Атамекен» ұлттық кәсіпкерлер палатасының Батыс Қазақстан облысындағы филиалының және аталмыш палатаға қарасты «Агрокомпетенция орталығы» ауыл шаруашылық кешенінің ұйымдастыруымен өткен семинарға аудан әкімі Лавр Хайретдинов, Жәңгір хан атындағы БҚАТУ-нің инженерлік бейіндегі биотехнология зертханасының меңгерушісі, доцент, ветеренария ғылымдарының докторы Ғайса Абсатиров, «Ветеринария медицинасы және биотехнология» факультетінің деканы, ауыл шаруашылық ғылымының докторы, профессор Едіге Нысанбаев, «Қазақтың ақбас тұқымы» республикалық палатасының өкілі Мақсот Балқыбаев, «Қазақстан ангусы» республикалық палатасының өкілі Мерген Шумбалов, «ҚазАгроФинанс» АҚ БҚО филиалы директорының орынбасары Амангелді Иманов, «Аграрлық несие корпорациясы» АҚ БҚО филиалының өкілі Азамат Темірғалиев, БҚО ауыл шаруашылық басқармасының өкілі Жандос Шайжанов сынды мамандармен қатар Ақжайық, Сырым аудандары шаруа қожалықтарының өкілдері, ауылдық округ әкімдері, ауылдық округтердің ветеринариялық дәрігерлері, асыл тұқымды мал өсіретін шаруашылықтар, аудандық ветеринария, ауыл шаруашылық, кәсіпкерлік бөлімдерінің басшылары қатысты.

Толығырақ...


Жастарға жігер сыйлаған форум

02.06.2017

Қазақстан Республикасының мемлекеттік рәміздері күніне орай «Менің елім» атты аудан жастарының патриоттық форумы өтті. Тәуелсіздік саябағында өткен жастар форумы «Тәуелсіздік монументі» ескерткішіне гүл шоғын қоюмен басталды. Аудандық жастармен жұмыс жөніндегі ресурстық орталығының ұйымдастыруымен өткен шара аудан әкімі Лавр Хайретдиновтың құттықтау сөзімен ашылды.

Толығырақ...


Саяси қуғын-сүргін құрбандарын еске алды

31.05.2017

Репрессия құрбандарының басым көпшілігі ақталғанымен, жан жарасы жазыла қойған жоқ. Сондықтан, ұлтын сүйген кешегі арыстардың тұлғасы уақыт өткен сайын ірілене түсуде. Бұл бағытта Жаңақала колледжінің саябағында 31 мамыр - Саяси қуғын-сүргін құрбандарын еске алу күніне орай «Тарихтан тағылым - өткенге тағзым» атты митинг жиын өтті.

Толығырақ...


Ауыз ашар беру- сауапты іс

29.05.2017

Айлардың сұлтаны Рамазан айы келіп, мұсылман қауымын қуантуда. Осы орайда аудан әкімі Лавр Хайретдинов бастаған аудан әкімдігі ораза тұтушы тұрғындарға ауызашар берді. Ақшам намазынан кейін жамағат дастарханға жайғасып, Аллға шүкіршілік етті. Сондай-ақ, үлкендер жағы оразаның қадір-қасиеті, оның сауабы, ел бірлігі, халық тұтастығы турасында уағыз айтып, әңгіме өрбітті. Аудан имамы Ерік Сұлтановтың айтуынша, 30 күн оразаның әр күніне ауызашар өткіземін деп ниет етіп отырған мекеме ұжымдары мен адамдар көп екен. Яғни, аудандық мешітте күн сайын Алланың разылығы үшін ауыз бекіткен жандарға кесте бойынша ауызашар беріледі.

Толығырақ...


Барлық жаңалықтарды оқу ...