Құрметті Жаңақала ауданы әкімдігінің ресми сайтына келушілер!


Сіздерді Жаңақала ауданы тұрғындары және өз атымнан Жаңақала ауданы жергілікті мемлекеттік басқаруының ресми WEB сайтында құттықтаймын.

Жаңақала ауданы-тек қана Батыс Қазақстан облысына емес, республикаға танымал үлкен мал шаруашылығымен айналысатын аудан. Ауданда асылтұқымды Еділбай қойлары, асыл тұқымды Көшім жылқылары, сонымен қатар ірі қара малдар мен түйелер өсіріледі.

Жаңақала ауданы - бұл Ұлы Отан соғысының батырлары және еңбек ардагерлері, ұлы күйші, сазгер, домбырашы, мәдениет және қоғам қайраткерлері мен ғалымдардың Отаны.

Атап айтқанда, күй атасы Қ.Сағырбаев, күй анасы Д.Нұрпейісова, ұлы күйші - сазгерлер Қ.Жантілеуов, Мәмен, О.Қабиғожин, Ш.Қажғалиев, қазақ халқының еркіндігі үшін күресушілері М.Өтемісов, И.Таймановтардың Отаны.

Өзіне меншікті WEB сайт құру «Электрондық үкіметті» іске асырудың бірінші қадамы болып табылып, мемлекеттік органдардың жұмысын тиімділігін арттыруға септігін тигізеді.

Қазақстан Республикасы Президенті Н.Ә.Назарбаев жыл сайынғы Қазақстан халқына «Жаңа әлемдегі жаңа Қазақстан» атты Жолдауында: «"Электрондық үкімет" жасақтау жөніндегі жұмыстың нәтижелеріне мұқият талдау жүргізу керек. Осыны ескере отырып, әрі әлемнің жетекші елдерінің тәжірибесіне сүйеніп, осы заманғы ақпараттық технологияларды енгізуді жалғастыра беру қажет болады»,-деп атап көрсетті.

Менің ойымша Интернетте әкімдіктің ресми сайтының ашылуы мемлекеттік басқару органдарының тұрғындарымен қарым-қатынасын, жедел түрде мәлімет алмасуларына, әрбір сайтқа келушілерге аудан тарихы, оның әлеуметтік-экономикалық дамуы жөнінде ақпарат алуға, өзін қызықтыратын сұрақтарына жауап алып, алынған шешімдерге ұсыныстарын енгізуге жағдай жасалып отыр.

Әкімдіктің ресми сайты көпшілік тұрғындардың ой-пікірлерін қатерге алып, ауданның алға басуына қызмет ететініне сенімдімін.

Біз Батыс Қазақстан облысының және тәуелсіз Қазақстанның өркендеуі үшін өзара тиімді қарым-қатынас жасауға әзірміз.

 

Біздің сайтқа қош келдіңіздер!

Құрметпен, 

Жаңақала ауданы әкімі

Қарағойшин Науырызбай Қадырбайұлы


 Жаңалықтар


Мобильді топ өз жұмысын бастады

15.11.2017

Мемлекет басшысы Н.Назарбаевтың 2017 жылғы 31 қаңтардағы "Қазақстанның үшінші жаңғыруы:жаһандық бәсекеге қабілеттілік" атты Қазақстан халқына Жолдауында сыбайас жемқорлықпен күресте көп нәрсе бүкіл қоғамның атсалысуына байланысты деп атап өтті.

Толығырақ...


Қыс мезгіліне сақадай сай

10.11.2017

9-10 қараша күндері Жаңақала ауданы орталығында «Қыс-2017» Республикалық командалық-штабтық оқу-жаттығуы өткізілді. Оқу-жаттығуда арнайы қызметтердің қысқа дайындығын аудан әкімінің орынбасары А.Мұхамбетжанов, аудандық төтенше жағдайлар бөлімінің бастығы Б.Каллимулдин және шұғыл әрекет ету тобының командирі А.Ахметов тексерді.

Толығырақ...


Жаңа тағайындау

06.11.2017

Аудан әкімінің №192-Ө өкімімен Жаңақала ауылдық округінің әкімі болып Ахметов Абзал Ғайнуллин тағайындалды.

Ахметов Абзал Ғайнуллин 1971 жылыдың 8 қыркүйегінде Жаңақала ауданы, Карманов ауылында дүниеге келген.1992 жылы Орал құрылыс техникумында «Құрылысшы-техник» мамандығы бойынша білім алса, 1998 жылы Батыс Қазақстан Гуманитарлық университетінде «Биология пәні мұғалімі» мамандығын алған

Толығырақ...


Тұрғындар тілегі тыңдалды

03.11.2017

Өскелең өмір, уақыт тынысына сай халық аманатын арқалаған халық қалаулылары ел-жұрттың ұсыныс-пікірлерімен санасу мақсатында қоғамдық қабылдаулар өткізуді дәстүрге айналдырып келеді. Аудан әкімі Наурызбай Қарағойшин «Нұр Отан» партиясы аудандық филиалының мәжіліс залында қоғамдық қабылдау өткізді. Билік пен халық арасын жақындататын қабылдауға өздерін мазалаған мәселелерін айтып ауданның 13 тұрғыны келді. Қоғамдық қабылдауға келген тұрғындардың қаузаған мәселелерінің дені үй сұрау, жұмыс сұрау сынды жеке мәселелер болса, кейбіреулері көше жарығы, көше жолын жөндеу секілді ауылға ортақ мәселелері алға тартты. Тұрғындардың мұң-мұқтажын тыңдаған аудан басшысы әр айтқан мәселелері жауапсыз қалмайтындығын айтып, бөлім басшыларына тиісті тапсырмаларды жүктеді.

Толығырақ...


Елі еріне құрмет көрсетті

27.10.2017

Елбасының «Болашаққа бағдар: рухани жаңғыру» атты мақаласы бойынша «Туған жерге тағзым» бағдарламасы аясында ауданымызға көрнекті мемлекет және қоғам қайраткері, академик Сәбденов Қалдыбек Сабденұлы келіп, аудан жұртшылығымен кездесті.

Толығырақ...


Барлық жаңалықтарды оқу ...